Jammen vart dei ei veke på Netosetra i år!
Reiseradion gnåla heile veka om kva som gav folk ro i sjela om sommaren.
Eg held ein knapp på kyr som døser i sola.
Med slik godstemning var det lett for budeia å ta ein tur til fjells.
Utsyn mot setergrenda og Dalsvatnet
Innover mot Stordalen.
Oi - orkide! Grønkurle.
Flottaste buketten av bakkesøte
Røsslyngen i blomst melder om august og haust i fjellet.
Karve - nødvendig krydder i mårpølse!
Vegvoktar på bomvegen Neto - Prestsetra.
Sjøl om eg hadde mjølking så rakk eg turliv.
Så fin dølaku - og lite grann skeptisk!
Ho ynskte meg god tur!
Turen gjekk med bil over Sognefjellet
og eg tok føtene fatt oppover vegen til
Fuglesteg. På ei hylle 600 meter over havet. Det er lett å kome hit, vegen er god.
Det er berre å bruke tid. Eit godt råd er å ta med drikke. Eg vart i allefall tyrst av motbakkane.
Eg spurde hyttevakta, om vegen. Ho meinte han var laga til på 30-talet.
Garden var drivi fram til midten på 60-talet.
Då dei første slo seg ned på Fuglesteg for 400 år sia, var det nok ikkje cruiseskip på fjorden,
ikkje var det kraftoverføringsmaster heller.
Men mjødurta bloma nok, den gongen som nå.
Kung, krydderplante som saman med karve var mykje brukt
før paprika og cayennepeppar inntok smaken vår.
Villbringebær. Nå som før.
Resten av nista vart ete rundt 1400 meter over havet. Vindstille og vakkert. Myggen var lei.
