Snøpynta, vinterkvitt og kaldt

Landskapet er snøpynta, det er vinterkvitt og kaldt. Med minus 27 ynskjer eg god jul.

Monseblokade

Det vart ikkje ny raud julekjole i kveld. Mons laga ei effektiv blokade med å legge seg på både snittmønster og stoff. Nye sjanser i morgo. Må vera rask når han er ute og sjekkar vêret. Mons er rask på labben når det er så kaldt.

Kosedyr

Aldri nok kos er moralen hjå desse kalvane. Greitt nok å gumle tørrhøy og drikke syrna mjølk frå automat, men kos, det er gull. Største kosedyra er dei to minste, nr 145 som heiter Kilemanjaro og når 146 som fekk namnet "Den Siste".

Julelunch på Fossheim

I år og vart det junelunch på Fossheim i Lom
Estin er yngst i familien, og han var nok spent på kva osm venta.
Når alderen er fire månader er det er mange smakar å bli kjent med

Lalmsjentene, Ingrid og Edel hadde vore med på dette før og veit å setja pris på god mat.

Etter julelunchen er det endå meir venting på jula..

Førjulstid hjå Idunn

Julestemning på Bærums Værk - i nesten 20 minus frista butikkane inne mest
Hjå Princess var "Fantorangen" til sals. Gjett kven som ynskte seg han!
Farfar og farmor skjønte teikninga...

Deilig med ekte Fantorang på heimebane og ikkje berre inni TV

Tela tyting som må tinast.

Tytingsyltetøy er nødvendig når det er kjøttkaker på menyen.

Farmorkos

Pepperkakeelg og farfarkos, det er førjulstid, det!

Den blå timen

Vedafyring - og minus 25

1.sundag i advent

Godt tilfreds med "slottsrosa" på veggane i gammelstugu!

Vedafyrt baking

Kokt potet, sikta rugmjøl, kveitmjøl og arbeidslyst er det som trengst for å lage mjukbrød

Vedafyrt takke gjer at det blir mykje meir aktivitet med baksten.. må ha fokus for å få passe varme under. Det vart nokre som vart svisteikte, da er takka for varm.

Vedafyrt baking er topp - tenk på Bakeriet i Lom

Kjøtkaker på norgesglas

Kjøtkaker av elg er godt - og når heimeproduksjon er passe stor er kjøtkverna høveleg hjelpemiddel for å forme lugume kjøtkaker..
Perfekt med god granne som kjem og blir med på jobben. Å brune opp kjøtkakene er ein varm jobb når dette foregår på takke med vedafyring.

Passe med kraft er viktig.

- Men kvar i heile verda kjem døkk frå, spurde Margun då ho fekk auge på dei to små nissane. Desse to held til her på Hauga-gardane og vedgjekk det byrja å bli vel "glære" vera ute. Og matlukta hadde lokka dei inn for å sjekke kva som gjekk føre seg.

Dei passa nøye på at glasa ikkje kom innpå kvarandre. Då kan dei gå sund når kjelen kjem i kok

Nå blir det mange gode middagar frå Norgesglas for både nisser og folk

Gratulere Mukampen!

Gratulere Mukampen spelmannslag med seier i lagspel i Nordisk kappleik i Sälen 2010!
Eit topp arrangement med mykje god musikk, venner og tullprat

Tid for heimreise frå eit hotellkompleks som hadde 1600 senger. Langt frå alle var i bruk, neste år må endå fleire legge turen til Nordisk kappleik!

Ens på trommisen

Ens på trommisen; Trond Bersu som fekk kulturstipendet frå Skjåk kommune 2010. Dersom du klikkar deg innpå youtube så kan du finne meir når du søker på Pelbo

Idunn og kulturkveld

Snart ferdig med desse snorene og så kan eg pynte meg og reise på kulturkveld i Skjåk

- vart eg fin nok nå?

Dette her skjedde også på kulturkvelden...

Etterisolering, ei heildekkande dyne

Etterisolering er tingen, og når isofiber blir spøyta inn på flattaket, så blir det som ei heildekkande dyne, smilte blide håndverkarar frå Stokstad bygg.

Raskt gjort når ein kan jobben sin, så blir det for meg å finne ut om det hjelp å få på 30 cm oppå avdeling for sengerom og våtrom!

Isofiber inn!

Fint med fødselsdag

Tusen takk for alle blide helsingar og triveleg besøk på gebursdagen min!

Nå skal eg gjera alt eg kan for å legge liv til året som kjem.

Vianvang - ein fredag i november

Det er mykje å sjå på og la seg bli fasinert av på Vianvang....

- Alle har tid til å lage mat, alle har råd til å kjøpe seg skikkeleg mat, i alle fall svært mange av oss, sa Arne Brimi og meinte at gode råvarer og tid til både å lage mat og å ete den er viktig.

Det er spørsmål om kva folk flest prioriterer. Når mat blir svært billig, bør forbrukaren prøve finne ut kva som eigenleg skjuler seg i pakningen.

Etter ei lang og hyggeleg økt der vi som var kveldens gjester fekk sjå oss rundt og smake på godbitar som var framsette til oss. Alt var supergodt - og kanskje raudostkremen på hardbrød var ekstra godt for ein raudostnerd som meg.

Kveite med raudbetesaus - godt!

Her er vi klare for rein på rotmos!
Endå betre..

Avslutninga på kvelden er eit gedigent dessertbord!!

Molter, vannbakkels, kremer og sauser og sjokolade og creme brüle med G 35.

Arne Brimi held fram G35-aksonen som eit stort satsingsområde for alt som har med distrikt og produksjon av kvalitetsmat som er festa i ein kultur.

Vi må tørre å stå for noko, vi må tørre å vera spesielle, slo han fast.

Etter reinen og før dessertbordet var vi alle ein tur innom ost-rommet for å smake på ost. Og her var det mykje å velgje i frå både inn og utland.

Det var ost frå Italia, Spania og Frankrike attåt mellom anna Fjelldronningost som blir laga på Valbjør.

Det var blåmuggostar, harde ostar, mjuke ostar, ost laga av saumjølk, eller geitmølk eller ku..

Osten gløymde eg å fotografere, eg vart så oppteken av å prøve å hugse kva eg åt..

Elg er mat

Ein halv elgokse blir mykje mat
Godt å vera sjølhjelpen. Elektrolux Assistent er umissande i jobben med å lage mat.
Nå står att å lage kjøtkaker og hermetisere dei.

Strålande dotterdotter

Jammen er eg priviligert som kan møte ei strålande dotterdotter, her klar for kveldsbadet..

Det får da vera måte på pyjamansfotografering!

I fullt arbeid på "øya si" og UglyDoll- dokka vart både rista på og smakt på..
Turen heim gjekk med bil over Valdersflya, i dag med snø og isdekke forbi vandrarheimen.

Stadig under arbeid

Det store haustprosjektet med å få på plass ny mur under gammelstugu er i mål. Det som da står for tur er endring av geografien rundt. I dag vart grovplaneringa framved veggen gjort. To bjørk og ei lerk laut også i bakken. Etterkvart skal det bli endå meir planering - håper at kong Vinter ventar ei stund til før han legg frost og skiføre på plass.

Vinterklar vassveg

Førre sundag fekk eg vite at det var min tur til å stenge utu vatnet i vassveita.

I ettermiddag tok eg turen inni Lendfjellet.

Der hadde det vore einkvan annan frå grenda og stengt utu.

Det vart ein fin fjelltur på meg - og eg sender ein takk til vedkomande.
Dette bildet er frå inntaket i Lenda.

Elgfall i dag

Varga og eg trekte nestøverste posten, det vi si vi var slik rundt trekvart oppover lia. Der var det vanskeleg vind, best som trekken kom ned frå fjellet, så kom han bak oss og vi vinda heile lia.. Via samband visste vi at det var elg i området... så small det eit skot
Det var Liv Mona som sat på nederste posten som hadde skote ein elgkalv. Nå har vi att berre vaksne dyr på kvota.

Jørgen kokte kaffi i dag og. Dagens metode for å klarne kaffien var å la kjelen koke opp sju gonger..

Varga var litt småskeptisk
- Kva gjer ein elghund med ein død elg??

Bustar, så klart!

Varga skjønte at ho eigenleg er elghund.

Topp tilstand

Slaktevekt 89,5 kg

Jammen eit fint kalveslakt