Alt listverk og pirkearbeid må vera ferdig innan eit proskjekt er heilt i mål, og motivet frå Tuss og Troll som var måla tidlegare var meir enn pirkarbeid å måle rundt... Dette var vindauga tidlegare og hylle var ein grei måte å nytte opninga på. Og fram til dags dato har det vore trekvitt
Kvistlakk, grunning og to lag med halvblank eggekvit...
Sparkling av spikarhol, pussing og måling av profilerte lister rundt vindauga vart berre peanuts!
Det som pressar prosjektet nå, er å få fargelagt den nye utklednaden.
Det er suverent med venner som jordbærplanter til overs etter etter ein vinter der det meste av jordbær i heile bygda har frose bort. Reine "genbanken" - og dette er planter som har vore ute ei vinternatt før!
Det har vore vind og ruskåte ver, så snekkeren har gjort unna innforing av vindauga og laga til takutstikk og anna "monke-arbeid" som å få på takrenner, medan han venta på såpass vindstille ver at han
kunne få på plass takplatene. Snart i mål, må mure høgare pipe før resten av taket er på plass.
Laurdag 21.mai skulle grannekona og eg på blomstertur. Ein tur for å sjå på blomar i storformat.
Vi kjørte over Dovrefjell med nysnø i vegkanten, nedover Sunndalen til eit meir og meir vårleg og blomande landskap.
Målet var aboretet i Todalen, her er det rohodendron og trær som rår grunnen. Vi var vel kanskje litt tidleg ute, for dei fleste av rohodendronane stod med sprekkeferdige knoppar.
Vi fekk hygga oss med dei som er tidlegast ute med blomsterprakta si.
Lilla - fjøraktige blomar Kvite, store klokkar
Små, rosa blomar
Store, rosa blomar.
Denne varianten her trivst nok godt i Todalen.
Det kom opp småplanter overalt. Kan si at dei veks friviljugt.
Vi tok alle trærne i nærare ettersyn og. Treet som heiter Apeskrekk vart godt studert.
Nålane på apeskrekken er kvasse som barberblad.
Du må kjenne sjøl for å forstå kor skarpe dei er.
Bambus er vel av dei mest rasktveksane. Vi såg på store kjempetuja, serbergran og bjørkelønn og endå mykje meir som vi gløymde namnet på med ein gong.
Vi kjørte via Isfjorden og besøkte ei studievenninne av meg.
Der kjem tulipanane att - friviljugt. Ho hadde også store rohodendron. Dette er blomsterprakt som slett ikkje finn seg tilrett hjå meg. Då er det betre hjå grannekona. Ho steller og ordner og pakker ned om vinteren...det er sikkert derfor ho har tulipanar som snart kjem i blomst..
Turen heim gjekk opp Romsdalen. Som vanleg, vill og vakker.
Jammen er vi heldige som bur i så variert land - og som har råd og høve til å ta ein dagstur på vel 70 mil.
Avsaga laftehjørner... Dette måtte til når ny ytterklednad skulle på. Eg samla dei saman og fotograferte nokre av dei. Eigenleg var det nok eit større lyft, den gongen stugu kom opp på ein husmannsplass enn det prosjektet eg driv med - etterisolering.
Etter litt att og fram valde eg å halde fast ved den farga som var nyaste laget i gammelstugu. Det har vore både gult, gulgrønt og blått. Det vart slottsrosa, som farga heiter. Og då Jo kom heim, vart det måla fortare enn eg hadde tenkt Ute driv snekkeren og får på plass den nye utklednaden. Så nå er det ny grubling; skal eg fortsetja med raudbrunt, eller skal eg nytte høve å skifte farge. Og til tilfelle; kva farge??
Der er det klart. Nå kan Skjåk energi kome å få lagt inn straumen i jordkabel. Eg gler meg til dei legg om linja til naboen. Nå er stolpen midt i garden hjå meg.
Pussemusa vart sliten og ikkje minst meg. Å halde i ei pussemus og fare over Alle tømmerstokkane i gammelstugu tek på. Og om litt er det ny runde. Eg må fylle etter sparkel både her og der...